Топ :Мектепалды  топ

Тақырыбы: Балалардың цифрлық сауаттылығы

Мақсаты:

Балаларға цифрлық құрылғылар туралы түсінік беру, интернетті қауіпсіз қолдану ережелерін үйрету.

Міндеттері:

Компьютер, планшет, телефон туралы білімдерін кеңейту

Интернеттегі қауіпсіздік ережелерін меңгерту

Ақпаратты дұрыс қабылдауға дағдыландыру

Қажетті құралдар:

Ноутбук/планшет, интерактивті тақта, суреттер, смайликтер, жол белгілері тәрізді қауіпсіздік белгілері.

 Іс-әрекет барысы

1. Ұйымдастыру кезеңі (Шаттық шеңбері)

Балалар шеңберге тұрып, «Сандық әлемге саяхат» өлең жолдарын қайталайды.

2. Қызығушылықты ояту

Тәрбиеші жұмбақ жасырады:

Үйде тұрып әлемді,

Көруге бар керегі.

Батырмасын басамыз,

Ақпаратты ашамыз.

(Компьютер)

Балалар жауабы тыңдалады.

3.«Цифрлық құралдарды тану және қолодана білу»

Балалар суреттер арқылы компьютер, планшет, телефонды ажыратады.

« Каспий » ойыны

« Сатушы »ойыны

Күтілетін нәтиже:

Балалар цифрлық құрылғыларды таниды және пайдалана біледі

Интернетті дұрыс қолдану дағдысы қалыптасады

Қауіпсіздік ережелерін біледі

Топ: Ортаңғы «Ромашка» тобы 

Тәрбиеші : Курманова Г.Т.

Бөлімі: Ұлттық құндылықты болашақ қазақ халқының ұрпақтарына еліміздің ұлттық құндылықтарын санасына сіңіру.

Тақырыбы:« Қазағымның ұлттық құндылықтары 

Мақсаты:Болашақ қазақ халқының ұрпақтарына еліміздің ұлттық құндылықтарын санасына сіңіру.

Бала тәрбиесі дәстүрлерінің өзекті   негіздері: тілі мен діні, тарихы мен салт-дәстүрі, рухани-мәдениетке тәрбелей отыра күнделікті өмірде қолдануға баулу.

Пайдаланған көрнекіліктер : бейне материалдар, 

Әдіс – тәсілдері:бейне әдіс, сұрақ – жауап, сахналық көрініс.

1)Ұйымдасмтырылған іс әрекетке жалпы шолу

-Балалар, қалай ойллайсыңдар ұлттық құндылықтар дегеніміз не?

-Бір ұлтты екінші ұлттан ерекшелеп тұратын не?

-Дұрыс айтасындар, балалар әр ұлттың өзінің ұлттық құндылықтары болады. Бір ұлтты екіншілерінен ерекшелендіріп тұратыны оның: тілі, ертегілері, мақал-мәтелдері, лиро-эпостық және батырлар жырлары, әдет- ғұрпы, салт-санасы, менталитеті, мәдениеті, өнері, тағамдары, ұлттық қолөнері, тұрмыстық бұйымдары, ұлттық ойындары, т.б. өзгелерге ұқсамайтын қасиеттері. Осылардың бәрі – ұлттық құндылықтарға жатады. Ұлттық құндылықтарды әр ұлттың ата-бабалары өздерінің өмір сүру салтына байланысты шығарып, пайдаланып, дамытып ұрпақтарына мұра етіп қалдырып отырған. Сондықтан ұлттық құндылықтар сол ұлттың меншігі болып есептеледі. Оны әр ұлттың ұрпақтары сақтап, заманына қарай дамытып отырулары керек. Егер халық өздерінің ұлттық құндылықтарын жоғалтып алса, ол халық – «ұлт» деп саналмайды. Сондықтан әр ұлт өздерінің ұлттық құндылықтарын сақтауға тырысады, әрі қорғайды. Мысалы, қазақ халқының ұлттық ойындарының біреуі – асық ойыны. (слаид)

Асық ойнау: баланың ойлау қабілетін дамытады, адамдармен тез тіл табыса білуге үйретеді, денені шынықтырады, қан айналымы мен тыныс алу мүшелерінің жұмысын жақсартады, баланың көзі қашықтықтан көруге дағдыланады, мергендікке баулиды, бойдың жылдам өсуіне көмектеседі, таза ауада тері жасушалары ашылып, ағза тынығады.

Ал, қазақтың ұлттық бұйымы бесіктің пайдасын өмірдің өзі дәлелдеп, осы уақытқа дейін жетіп отыр. Баланың таза болуы, ұйқысының тыныш болуы өз алдына, баланың ана құрсағынан жарық дүниеге келген соң табиғи өсуіне әсер етеді. Жапонның әйгілі медицина ғалымы Гау Щияу Иде Илаң қазіргі заманғы озық аспаптарды қолдана отырып зерттеу жүргізген. Оның зерттеуі бойынша «сәби өмір есігін ашпас бұрын, ана құрсағында жүріп тербеліске түседі. Алайда өмір есігін ашқан соң жарық дүниеге бірден үйлесе алмайды. Сондықтан оны ана құрсағындағыдай әлдилеп, тербетіп отыру керек» деген қорытынды жасайды. Міне, қазақ халқының ұлылығы, осы процестерді өзінің өміріне пайдаланып, бала жарық дүниеге бейімделгенше, бесікке бөлеп, тербетіп отырған.

Сергіту сәті (видеоролик)

2)Ұйымдастыру кезеңі:

1)Амандасу,түгелдеу,топқа бөлу.

2)Шаттық шеңбері.

3)4 топқа бөліну- (әр топтын өздеріне берілген тапсырмаларды орындау) 

4) Қазақ үйдін құрылуы,ішкі жабдықтары туралы  әңгімелеу.

Бірінші тапсырма –күш сынасу( қошқарды көтеру)

Екінші тапсырма – қамшы өру

Үшінші тапсырма – сиыр сауу

Төртінші тапсырма –көрпе құрау

Бесінші тапсырма – шаша өру 

Алтыншы тапсырма- қазақтын ұлттық тағамдарын атау.

3)Ұйымдастырылған оқу іс-әрекетті  бекіту (слаид)

-Балалар, суреттен тағы қандай қазақтың ұлттық ойын түрлерін көріп тұрсыңдар?

-Мына аспаптардың аттарын атаңдар

«Кім жылдам» ойыны.

Ойынның шарты: 2 топ нұсқаушы көрсеткен әріптерден басталатын мақал-мәтел айтып жарысады.

4)Қорытынды

Қазіргі ұрпақтың, ХХІ ғасырдағы қазақ ұрпағының міндеті – экономикамызды дамыта отырып, ұлттық құндылығымызды қорғап, дамытып, сақтай отырып әлемдік қауымдастыққа кірігу. Егер ұлттық

құндылығымызды сақтай алмасақ жаһандануға жұтылып кетеміз. Жаһандануға жұтылып кетпей, президентіміздің алдыға қойған мақсаты «Мәңгілік Ел» болып қалу үшін ұлттық құндылықтарымызды сақтап, қорғай білуіміз керек. Себебі, ұлттық құндылық – ұлттың тірегі !

Тобы:Жұлдыз

Өтілу күні:01.12.2025

Тәрбиеші:Жеңіс А.Е

Тақырыбы: «Өрттен сақ болайық!»

Мақсаты: Балаларға өрттің қаншалықты қауіпті екендігі туралы түсіндіру, оттың тілсіз жау екенін ұқтыру. Өрттен, оттан сақтану жолдарын өт өшіретін құралды пайдалануды, адам өміріне өрттің зиянды екенін біле отырып сіріңкені, тұрмыстық–техникалық заттарды пайдалану кауіпсіздік ережелерін айтып үйрету. Балаларды өрттің алдын алуға ынталандыру, қоршаған ортаны қорғауға тәрбиелеу.

Шаттық шеңбері  «Өрт сөндірушілер» муыкалық ойыны тосенішпен.

«Өрттің шығу себептері»

Өрттің шығу себептері туралы не білеміз? Сұрақ –жауап әдісін қолдансақ бірге.

1. Шылымның тұқылын сөндірмей тастаса;

2. Шырпымен ойнаса;

3. Үтікті қосып кетіп қалса;

4. Газды ашық қалдырып кетсе;

*Ильясты кргізу сіріңке қылып.Сіріңке күнделікті өмірде қажет. Сіріңке арқылы майшамды, газды т. б. нәрселерді тұтату үшін іске асырады. Сіріңкені үлкендердің рұқсатынсыз алмау керек. Себебі, өрт - тілсіз жау. Сіріңкенің  адам өмірінде пайдасымен бірге зияны да болады.

*Ас үйге сән беретін газ плитасы. Көгілдір от тұрмыс - тіршілігімізді көп орын атқарады.Десек те, оны ұқыпты ұстап, жаға білуіміз керек. Егер газ плитасынан бір кемшіліктер байқалса ата - анаңа айтып ескерт. Өйткені ата - анаң газ бөлімшесінің арнаулы мамандарын шақыртады. Газ плитасы тұрған бөлмені жиі - жиі желдету керек. Егер газдың күлімсіген иесін сезсең сіріңке жағуға, электр жүйесіндегі лампаны жағуға болмайды. Тек үйдің есік - терезелерін ашып, желдету керек.

*Дамели кіргізу розетка қылып. Тұрмысымызда тағы бір көп қолданатынымыз – Электр. Электр - жарық көзі. Бір күн үйімізге электр қуаты келмей қалса, дүниені қараңғы түнек басады. Дегенмен, оны да ұқыпты пайдаланбасақ, одан да өрт шығуы мүмкін.

Қимылды ойын: «От пен су»

Шарты: Балалар жұп болып ойнайды.2 топ болады.Отты өшіретін су екенін біледі.Әр шелекте жазылып тұрған сандарға байланысты ,отта бейнеленген сандарды шелекпен сәйкестендіріп шелектің астына іледі.

Тәрбиеші:  Балалар естеріңде болсын, өрт кездейсоқ шықпайды, ол дұрыс пайдаланбағаннан болады. Бүгін сендер оттың дос та, жауымыз да бола алатынына көз жеткіздіңдер. Естеріңде болсын: «Отпен  ойнама, күйерсің», «Өрт – тілсіз жау».

Викториналық сұрақтар мен жауаптар Асылхан мен Азаматқызы Аяна

1. Өрт шыққанда қандай нөмірге қоңырау шалу керек?

Жауабы: 101

2. Өрт сөндірушілер қандай көлікпен келеді?

Жауабы: Өрт сөндіру машинасымен (қызыл машина)

3. Өрт сөндірушілердің басында қандай бас киім болады?

Жауабы: Қорғаныс каска

4. Өрт сөндірушілер не істейді?

Жауабы: Өртті сөндіреді, адамдарды құтқарады

5. Өрт сөндіретін құрал қалай аталады?

Жауабы: Өрт сөндіргіш

6. Өрт сөндірушілердің арнайы киімі қандай?

Жауабы: Қалың, жанбайтын, қорғаныс киім

7. Сіріңке мен отты кім ұстамауы керек?

Жауабы: Балалар

8. Өртті көрсең не істеу керек?

Жауабы: Үлкендерге айту, 101-ге хабарлау, қауіпсіз жерге шығу

9. Үйде не нәрсені өшіруді ұмытпау керек?

Жауабы: Пешті, плитаны, электр құралдарын

10. Өрт сөндірушілер неге батыр деп аталады?

Жауабы: Олар адамдарды құтқару үшін қауіпті жағдайға барады

11. Өрт сөндіруші машинаның жарығы қандай түсті жанып-сөнеді?

Жауабы: Көк және қызыл

12. Өрт сөндіруші ағашқа шығып қалған мысықты құтқара ала ма?

Жауабы: Иә, құтқара алады

13. От қандай жерде болмауы керек?

Жауабы: Үйде, орманда, балалар ойнайтын жерде

Тәрбиеші: Біздің топқа біреу сіріңке тастап кетіпті… Түтін шығып.. Өрт бола жаздады! Көмектесіңдерші!Тергеу жұмыстарын жүргізбесек болмайды балалар.Мынау тұрған іздер сіріңкені тастап от жағып кетейін деген адамның іздері сияқты.Әр ізді мұқият бақылауымыз керек.

Залдың әр жеріне 8 “із” қойылады.Тергеу басталады: «Іздер жинау»

1 із-Дидактикалық ойын  «Не артық»

2 із- Дидактикалық ойын  «Көлеңкесін тап»

3 із- «Боямақтар»

4 із- «Өрт сөндірушілер лотореясы»

5 із- Дидактикалық ойын Бұл кім?пазл құру

6 із- Қол моторикасына «Кім жылдам?»ойыны

7 із-  Математикалық ойын «Логикасы мықты өрт сөндіруші»

8 із- Тыныс алу жаттығуы

Тәрбиеші:Біздің тобымызға  кім сіріңке тастап кетуі мүмкін?

Залдан 3 түрлі персонаж шығады (роль ойнайтын ересектер немесе балалар):

1. Ұқыпсыз Адам (ойыншық тастайды)

2. Кездейсоқ Жолаушы

3. Үлкен Апай (қалтыраған шамымен жүр)

Балалар кімнің қауіпті іс жасағанын анықтайды.

Жауап: «Ұқыпсыз Адам».

Сергіту сәті:Өрт пен түтін айнала

                      Қарап тұрма жай ғана

                      Тез хабар бер 101-ге

                     Уақытты сен байлама

Инкар:От жақпа күйерсің

             Өртеніп жүрерсің

             Сіріңкені ұстасаң

             Бәлеге сен түсерсің

Дидактикалық ойын: «Өрт сөндірушіге не қажет?»  

Шарты:2 бала жылдамдыққа өрт сөндірушіге не қажет екенін табады.

Тәжірибе :Өртті сөндіру   

Мақсаты:Балаларға өртті тек сумен ғана емес құмменде сөндіруге болатынын дәлелдеу   

Дидактикалық ойын: «Батыл құтқарушы»  

Шарты:Лапылдап тұрған отты су шашқыш құралмен жылдамдыққа  өшіру.

«Су шашамыз – өрт өшеді!»

Ғажайып сәт. Қонақ келуі (рольдік ойын)

*Есікті қағып Қайрат Алихан  «Өрт сөндіруші» келеді.

Өрт сөндіруші сөзі аудио:

– Сәлем, балалар! Мен — өрт сөндірушімін. Бүгін сендерге өрттен қалай сақтану керегін айтып келдім.

1. Сіріңке, оттықты ұстамаймыз.

2. Розеткаларға қол тигізбейміз.

3. Перде, қағаз жаққа шам әкелмейміз.

4. Өрт көрсеңдер – үлкендерді шақырамыз.

5. 101 немесе 112 нөміріне хабарлау керек.

Балалармен бірге қайталау:

«101 – өртке! 112 – барлық жағдайға!»

Практикалық тапсырмалар балалармен

1-Сурет құлақ тазалағыш пен вилка

2-Жапсыру отты

3-Сәйкестендір 

4-Бояу қарандашпен

5. Практикалық ойын: «Өрт дабылы!»

Музыка қосылады

Тәрбиеші:Балалар, бөлмеде түтін шықты деп елестетеміз. Қалай жүреміз?

Балалар:Төмен иіліп, ауызды жабу!

Балалар төмен еңкейіп жүреді, тәрбиеші «қауіпсіз аймаққа» бағыттайды.

Балалар кедергілерден өтіп отырып мүсіндеуге берілген тапсырманы орындайды.

Қорытынды әңгіме

Тәрбиеші:– Балалар, отпен ойнауға бола ма?

                 – Өрт шықса қай нөмірге хабар береміз?

                  – Қандай ережелерді білдік?

Балалардың жауаптары тыңдалады.

Тәрбиеші:Мен бүгін сендерді батыл өрт сөндіруші болғандарың үшін  марапаттағым келіп отыр.Мараппатталады.

-Жарайсыңдар, балалар! Бүгін біз өрт қауіпсіздігін үйрендік. Әрқашан абай болайық!

Тобы: Кіші «Еркетай» тобы

Өтілу күні:11.11.2025

Тәрбиеші:Кахарова У.Б.

Ұйымдастырылған ашық іс әрекет: Тақырыбы: « Жануарлар қалай дыбыстайды»

Мақсаты: Үй жануарларымен таныстыру. Жануарлардың дыбыстары жазылған үнтаспаны тыңдату арқылы "Жануарлар қалай дыбыстайды?" сұрағына жауап беруге үйрету. Балалардың төрт түлік туралы білімдерін кеңейтіп, сөздік қорын дамыту

Көрнекіліктер:

Жануарлар суреті,қоршау мал тұрағы,жем,шөп,жануарлар түбіті. т,б

Дидактикалық құралдар,құрт ,ірімшік,қымыз,шуат.

Сценарий барысы

Тәрбиеші:

– Сәлеметсіңдер ме, балалар!

Бүгін бізде ерекше күн – Жануарлар қалай дыбыстайды деген ойын барысын көрсететін боламыз.

 (Балалар шеңберге тұрып жануарлар қимылдарын жасайды)

Тәрбиеші:

– Балалар, қараңдаршы, біз не көріп тұрмыз.

–  Әрине жануарларды көріп тұрмыз.

–   Қандай жануарларды білесіндер?   

Балалар:

– Жылқы, сиыр,түйе,қой 

Тәрбиеші:

Түйе: Үй жануарларының ішіндегі ең ірісі сүт қоректі жануар. Түйе шөппен қоректенеді. Адамдарға жүн, ет, сүт береді. Сүтінен: ең пайдалы дәрілік қуаты бар шұбат жасайды. Түйе жүнінен көрпе жасаймыз. Ерте кезде адамдар көшіп, қону үшін көлік ретінде пайдаланған.
 
 Сиыр: Үй жануарларының ішіндегі ірі аша тұяқты жануар. Сиыр сүт қоректі жануар, шөппен қоректенеді.. Оның терісінен тон киеміз. Адамдарға ет, сүт береді сиыр сүтінен: айран, сүт, ірімшік, кұрт, май, қатық жасайды.
 
 Жылқы: Үй жануарларының ішіндегі ірі сүт қоректі жануар, шөппен қоректенеді. Жылқыны адамдар көлік қылып мінеді. Адамдарға ет, сүт береді жылқының сүтінен адам денсаулығына өте пайдалы сусын қымыз жасайды.
 
 Қой: Төрт түлік малдың ішіндегі сүт қоректі, момын жануар. Шөппен қоректенеді. Адамдарға ет, сүт, жүн береді. Түйе жүнінен қалың киім тоқиды, киіз басады, байпақ жасайды.
 
 

 Үй жануарларының барлығы адамдар, яғни, біз үшін өте пайдалы. Олар адамдардың бағып - қағуымен, асырауымен тіршілік етеді. Адамдар оларға жем, су, шөп береді.
 - Үй жануарларының балалары болады. Біз оларды төлдері деп атаймыз.
 Қой – қозы
 Сиыр - бұзау
 Жылқы – құлын
 Түйе – бота

Сергіту сәті:
 Қошақаны қойдың,
 Қайда қалып қойдың?
 Бұлтиып тұр бүйірің,
 Қай өрістен тойдың?
 
 - Балалар, үй жануарларының әрқайсысының өздерінің дыбыстары бар. Сендерге таныс дауыстар шығар. Тақтаға қарайық.
 Балаларға үй жануарларының дыбыстарын жасырып, тыңдату.
 Сиыр - мөңірейді
 Түйе – боздайды
 Жылқы - кісінейді
 Қой - маңырайды

Дидактикалық ойын:
 « Қойды киіндірейік »
 Шарты: сурет бойынша жүнді жапсыру арқылы  қойды киіндіреді.

Тәрбиеші харайсыңдар балалар енді қойымыз қыста аязда тоңбай жүретін болады.
  Күтілетін нәтиже:
 Нені біледі: Үй жануарлары туралы
 Қандай түсініктерді меңгерді: Үй жануарларының адамға пайдасын түсінеді
 Меңгерген дағдылары мен іскерліктері: Оларды төлдерімен ажыратып, атай біледі.

Тобы:Жұлдыз

Тәрбиеші:Жеңіс А.Е

Кіріктірілген іс-әрекет

Бөлім:Қоршаған ортамен таныстыру

Тақырыбы: «Нан дастарханға қалай келеді?»

Міндеті: Балаларға нанның адам еңбегімен келетінін, оған көп күш жұмсалатынын түсіндіру. Сөздік қорларын, ойлау қабілетін дамыту.Балаларға нанды қастерлеуге, үлкендердің еңбегін құрметтеуге , бағалай білуге тәрбиелеу.Ойын арқылы нанның қадір қасиетін ұғындыру.

Ұйымдастыру кезеңі:

Балалар музыка ырғағымен тәрбиешімен амандасады.Іс-әркетке дайын екендерін білдіреді.Күй күмбірі арқылы.

Шаттық шеңбері:

Үлкенгеде сіз,

Кішіге де сіз

Құрметпенен сіздерге,

Бас иеміз біз.

-Нан қоқымын шашпаймыз,

Жерде жатса баспаймыз,

Теріп алып қастерлеп,

Торғайларға тастаймыз.

Тәрбиеші:Балалар біз бүгін не жайында әңгімелесеміз?

Балалар:нан

Көрнекілікпен жұмыс:Нан қайдан келеді деген сұраққа жауап алу.

Дидактикалық ойын:«Наубайшыға көмектес.»

Шарты:Наубайшы ұннан пісірген заттардың бетін шаң түспесін деп жауып қойған.Біз оны ашу үшін орамалдың бетіне су бүркуіміз керек.Қандай тағам екенін сендер айтып бересіңдер ашылған соң беті.         

Дидактикалық ойын:«Тәтті тортты әсемдейміз»

Шарты:Тортты сәндейміз.Шыққан геометриялық фигураларды атап,түсін ажыратамыз.

Тәрбиеші:Нан туралы қандай тақпақтар білесіңдер?

Инкар:Нан қоқымын шашпаңдар,

             Жерде жатса, баспандар,

             Теріп алып, қастерлеп,

            Торғайларға тастаңдар!

Айзере:Нан болмаса уайымдап, 

              Үн қатады бар халық. 

               Нанмен бірге жанымыз,

                Көгереді жанданып.

Математикалық ойын:Кім жылдам?

Шарты:Әр топтан 3 баланы шығарып.Наубайшының пісірген   тәтті кексін  асықтармен санап шығады.Қанша кекс сонша асық қояды.Бала сәйкестендіріп қойып шығады.

Суреттерге қарап мақал-мәтел құрастыру 4 бала шығады.

Қимыл қозғалыс ойыны:«Менің қарным ашты»

Шарты:Оюлы кілемше арқылы өтіп.Тізбектеліп тұрған тағамдар ішінен   ұннан жасалған тағамды алып қарны ашып тұрған  балақайға беру.Алған тағамның атын міндетті түрде айту керек.

Тәрбиеші:Бидайдан ұн,ұннан нан жасалатынын бәріміз білеміз.Бірақ бидай деген ұғымды апаларымыз аналарымыз естігенде қыздың шашын бидай өрім қылып өруге болатынада еске түседі. Қазақ қызы – бидай өңді, дөңгелек жүзді, қара көз, қара шаш, қыр мұрын, қалам қас, оймақ ауыз…деп үлкен кісілер айтып отыратын.Ендеше сол бидай өрімді өруге 2 қызды  шақырайық.

Қол моторикасын дамытатын ойын:«Бидай өрім»

Шарты:Қыздың шашын бидай өрім қылып өру.

Сергіту сәті

Жайқалады ақ бидай,

Басын иіп аққудай.

Трактор мен комбайн

Жүргізуге мен дайын

Тәрбиеші: Ұн — дәнді дақылдарды ұнтақтау арқылы алынатын тағамдық өнім. Ол негізінен бидай, сондай-ақ жүгері, арпа, сұлы, бұршақ дәндерінен дайындалады. Ұн: нан, кондитерлік, кеспе өнімдерін, т.б. дайындау үшін пайдаланылады.

1-топ. дорбаларға қандай дәнді дақылдардан ұн жасалады соны дәстүрлі емес техинкамен жасайды.Ол үшін дайын макет, дәнді дақылдар ,сулы сүлгі пайдаланамыз.

2-топ.Макарон өнімінен бидай құрастырамыз.Ол үшін:жапырақты макарон,ПВА желімі,дайын үлгі қағазын,Сулы сүлгі пайдаланамыз.

3-топ Ұннан пицца пісіреміз.Керекті азық-түліктерді пайдаланамыз.

Қауіпсіздік ережесін қадағалаймыз!!

-Желімді аузымызға салмаймыз 

-Дәнді дақылдарды жұтып қоймаймыз. 

-Үшкір,өткір заттармен ойнамаймыз

-Бір бірімізге кедергі жасаймыз.

Дидактикалық ойын«Кім жылдам?»

Шарты:Әуе шарларында тұрған тапсырмаларға нақты жауап беру арқылы  бүгінгі іс-әрекетті бекіту.

1.Нан қайда сатылады? дүкенде

2.Ұнды неден жасайды? Бидай 

3.Егін егетін адамды қалай атаймыз? Егінші

4.Қазақ халқының ұлттық нанның бір түрі? бауырсақ

5.Егінді қандай көлік түрімен жинайды? комбайн

6.Ас атасы не? нан

7.Нан пісіретін адамды қалай атаймыз? наубайшы

8.Күзде егіншілер не жинайды? астық

9.Нанды қайда пісіреді? наубайханада

Дидактикалық ойын:«Бауырсақ»

Шарты:Кедергілер арқылы бауырсақты өткізіп,құрақ көрпеге барып отырады.

Тәрбиеші:Балалар бүгінгі іс-әрекетімізді іс-қимыл эмоция арқылы білдірсек қалай қарайсыңдар?

-Бүгінгі іс-әрекет ұнады ма сендерге?

Марапаттау балаларды.

Жүректен-жүрекке әдісі арқылы  мен сендерді марапаттағым келіп тұр.Бір бір жүрекшеден сендерге беремін.

Өтілетін күні:

Тақырыбы: «Ғажайып Ғарыш»
 Мақсаты: Балаларға Ғарыш және ғарышкерлер туралы толық түсінік беру, білімдерін одан әрі кеңейту. Сыйластыққа тәрбиелеу.
 Көрнекілігі: зымыран суреті, үн таспа.
 Әдіс - тәсілдер: Жұмбақ  шешу , тақпақтар, ойын, сұрақтар.
 Жүру барысы: Шаттық шеңбер:
 Сәлем саған жер анам,
 Сәлем саған алтын күн.
 Сәлеметсіздер ме апайлар,
 Сіздерді көргеніме қуанам.
 Тәрбиеші: Балалар кім айтады қазір жылдың қай мезгілі?
 Ал көктемнің қай айы?
 Сәуір айында қандай мерекелер бар?
 Бүгін балалар ғарышкерлердің мерекесі, он екінші сәуір ғарышкерлер күні, биыл ғарышқа ұшқан күнге 53 жыл болды. Бүкіл халық бүгін мерекені тойлап жатыр. Балалар мен сендерге бір жұмбақ жасырғым келіп тұр.
 Жерде болса тұрағым,
 Марсқа ұшып тұрамын.
 \ғарышкер\
 Олай болса балалар ғарышқа ұшатын адамды кім дейміз?
 Балалар ғарышқа не үшін ұшады?
 Иә, аспан әлемін, планетаны, жұлдыздарды зерттеу үшін ұшады.
 Слайд: аспан әлемі
 Ең бірінші болып ғарышқа кім ұшты:
 Юри Гагарин 
 Ал қазақ жерлерінен кімдер ұшты?
 Тоқтар Әубәкіров, Талғат Мұсабаев 
 Ал балалар ғарышқа не арқылы ұшады?
 Зымыран қалай ұшады? 
 Балалар сендер қалай ойлайсыңдар ғарышкер ғарышта жүргенде зымыран ішінен шығады ма?
 Иә шығады, өйткені олар жұмыстарын жасайды, зерттейді, әр түрлі планетанызерттеп ашық аспанда жүреді.
 Слайд ғарыштағы сурет.
 Бірақ балалар аспанда ауа жоқ, өте ыстық, ал ғарышкерлерге скафандр деген киім көмектеседі, арнайы ауасы бар, ыстықтан қорғайтын киім.
 Балалар ғарышкерлер ғарышта ұзақ жүреді, ал олар қалай тамақтанады, не жейді, от жағып пісіре ме?
 Жоқ оларға әдейі арналған зымыранмен тамақ әкелінеді, тамақ оларға жабық түрде, езілген түрде, тіс пастасының қорабы сияқты қорапта беріледі, шай, суда солай әкелінеді, соны сығып жейді. Балалар сендер ғарышкер болғыларың келеме?
 
 Білесіңдер ме ғарышкер болу үшін ең алдымен шынығу керек дейді, енді бәріміз орнымыздан тұрып жаттығу жасап алайық.
 Әуен арқылы жаттығу жасату.
 Ал, екіншіден өте білімді болу керек екен, мен сендердің білімдеріңді тексеремін, ол үшін мынадай ойын ойнаймыз.
 Ойын: «Зымыранды құрастыр»
 Мына жерде бөліктер бар оны құрастырып шығару үшін бірнеше сұрақтарға жауап беруіміз керек, әр бөліктің артында сұрақтар берілген.
 1. Ғарышкер сөзіне сөйлем құрастыр.
 2. Зымыран сөзін буынға бөл.
 3. А
 4. Апта күндерін ата.
 5. Бір жылда неше ай бар?
 
 Мінекей зымыран құрастырдық, зымыран дайын, денеміз шынықты, білімімізді тексердік, ал енді ғарышқа ұшамыз, дайынбыз ба?
 Ендеше скафандрды үстімізге киейік, зымыранға отырайық (қолмен қозғалыс көрсетеді), балалар жоғарыға ұшу үшін сиқырлы сөз айту керек көзді жұмып.
 Бір, екі, үш
 Ғарышқа тез ұш.
 Слайд аспан әлемі.
 Көзімізді ашайық, мінекей балалар біз аспандамыз, енді ән шырқайық.
 Ән: «Мен ғарышкер боламын»
 Балалар қараңдаршы жұлдыздар қандай көп, әр түрлі планеталар бар, білесіңдер ме аспаннан жерге қарағанда жеріміз доп сияқты дөңгелек, біз сол дөңгелек жерде тұрамыз.
 Енді балалар жерге оралайық, ол үшін сиқырлы сөзімізді айтып, көзді жұму керек.
 Міне біз жердеміз, осылай ғарышқа ұшады екен.
 Қорытынды:
 Балалар сонда ғарышқа қай күні ұшқан?
 Кімдер ұшты?
 Балаларымыздың ғарышкер ағаларына арналған тақпақтары бар.
 Тақпақтар
 Балалар сендерге көп рахмет, бүгінгі сабағымыз аяқталды барлығыңда өте жақсы қатыстыңдар, енді апайларға сау бол айтайық.