Тобы:Жұлдыз

Тәрбиеші:Жеңіс А.Е

Шығармашылық іс-әркет

Бөлім:Музыка

Тақырыбы: «Сиқырлы күз»

Мақсаты: Балаларды күз әлемімен таныстыру. Күз мезгілінде болатын ерекшеліктерді сахналандыру. Балаларды күз байлықтарымен, күзгі еңбекпен таныстыру. Табиғатты сүю, қорғауға тәрбиелеу

Ата-анамен тренинг ойын:Біз біргеміз әрқашан (лентамен)

Музыка ойнап, әсем безендірілген залға балалар келіп кіреді.

Жүргізуші: Келді міне алтын күз,
                       Сары шашты жарқын жүз.
                       Мол өнімді ісімен
                       Таңдандырып халқын күз.
  -Армысыздар құрметті қонақт

ар,ата-аналар,әріптестер және осы балабақшамыздың бүлдіршіндері. «Сиқырлы күз» атты мерекелік ертеңгілігімізге қош келдіңіздер.

Жүргізуші:Балалар ,біздер күзгі орманға келдік. Күзгі орманның жапырақтары қандай екен?

Балалар:сары,қызыл,қызғылт

Жүргізуші:Ал орманды кім әдемілеп қойған білесіңдерме?

Балалар:Сиқырлы күз әдеміледі.

Жүргізуші:Тыңдаңдаршы жел соғып жатыр.Қане бәріміз бірге желмен бірге үрлейік үф-үф.

Жүрзізуші:Балалар қараңдаршы желмен бірге бізге қонақ келе жатқан сияқты.

Аула сыпырушы әнімен  ырғақпен кіреді.

Аула сыпырушы: Сәлеметсіздер ме балапандар! Бүгін сендер қандай әдемісіңдер?! Мен сендерге қонаққа келдім.

Жүргізуші: Қош келдің! Біз Алтын күзді тойлап жатырмыз. Бізбен бірге қалып балалардың өнерлерін тамашалаңыз.

Аула сыпырушы: Рахмет! Балалар, сендер жаңбырдың қалай жауатынын білесіңдер ме?

- Иә, білеміз!

Аула сыпырушы: Өте жақсы. Жаңбырдың балалар, өте жай, орташа және тез түрі болады. Оны салу үшін  мен сендермен бір ойын ойнайын. Жаңбыр жай  жауғанда қолымызды жай шапалақтаймыз . Орташа жауғанда орташа шапалақтаймыз.Сонымен қатар   тез жаңбырлар да болады .Тез  жаңбыр жауғанда қолымызбен қатты шапалақтаймыз.

Ойын «Қандай жаңбыр» 

Аула сыпырушы:  Тамаша, балалар!Мен сендер сияқты ақылды балаларды кездестіріп көрмедім.Меніңде кішкентай көмекшілерім бар.Өнерлеріде бар.

-Келіңдерші менің кішкентай көмекшілерім.........

Би: Бағбаншылар  

Аула сыпырушы:Балалар күз мезгілінде ауланы тазалау керек.Жапырақтар жерге көп түсіп кетеді.Мен сол жапырақтарды сыпырып,ауланы таза ұстауым керек.Сендермен қоштасатын уақытымда таяп қалды.Аулаларыңды таза ұстаңдар.Сау болыңдар.

 Балалар:Сау болыңыз.

Жүргізуші:Балалар аула сыпырушы жапырақтарды сыпырып бір жерге үйіп кетіпті ғой.Қазір тағы жел соқса жапырақтар аулаға шашылып кетеді.Еңбегі зая кетеді.Мен оны жинап қоқыс жәшігіне салып қояйын.

Салайын деп жатқанда жапырақтардың арасынан сиқыршылардың басындағы жұлдызшаны тауып аламын.

Жүргізуші:Балалар мынау сиқыршылардың басындағы жұлдызша ғой.Сиқыршылар біздің  меркегеде келіп қалған сияқты.

Би:Сиқыршылар

Жүргізуші:Сиқыршылар сәлеметсіңдерме? Бүгін бізде Алтын күз мерекесі 

болып жатыр.Меркемізді көңілді өткізейік деген едік.Бірақ  мына ауламыз үнсіз,жансыз болып тұр.Сіздер бізге қандай көмек бере аласыздар?

Сиқыршы Іңкәр:Мына қорапты сіздерге беріп жіберді.

Сиқыршылар алтын қорапшаны береді.Сол қорапшаны ашқанда  сиқыршылардың даусы шығады аудио болып.

Аудиодағы жазба

 Сәлеметсіңдерме балалар.Менің сиқыршыларым сендерге менің аманатымды аман-есен жеткізіпті.Бұл сиқырлы қораптағы сиқырлы таяқшаны сендердің тәрбиешілерің Айгерім апай ғана қолдана алады.Алдыларыңнан кездескен жансыз дүниені көргенде сиқырлы таяқшаны соған қаратып нұсқау бергенде айналамыз көңілдене түседі.Жансыз дүние жанданады.

Жүргізуші:Сиқырлы таяқшаның жұмыс істеп тұрғанына көзімізді жеткізейік.Қане сиқырлы таяқша біздің мерекемізді көңілді етіп,күздің сиқырлы қыздарымен ,ұлдарын  күзгі әуенмен ортамызға алып кел.

Вальс:Күзгі әуен

Ойын:Шалшық су

Мақсаты:6 бала ойынға шығады.Ойын барысында музыка ырғағымен балалар іс қимыл жасайды.Шалшық суға секіріп үлгермеген бала ойыннан шығады.Және әр шеңберден кейін  1 шалшық су мен бала шығып отырады.

Жүрзізуші:Нұрға бөлеп өмірді,

                     Жырға бөлеп көңілді,

                     Жарқыраған сәулелі.

                     Күз әуені төгілді.

Ән:Күз тамаша

Жүргізуші:Балалар қараңдаршы жемістер мен көкөністер қандай әдемі болып тұр себеттерде.Тамсанып қарасаң көзің тоймайды.Жемістер мен көкөністерді тәтті ұйқыларынан оятып көрейік сиқырлы таяқшамен.

Ойын ата-ана  мен бала:Жұмыла көтерген жүк жеңіл

Шарты:Екі ата –ана,екі бала керек.Столда тұрған картопты ашиды.Баланың жүк көлігіне салады.Бала жүк көлігін сүйреп,ішіндегі картопты ыдысқа салады.салған соң қайтадан анасына қарай жүк көлігін сүйреп алып барып қайтадан картопты алып жүк көлігіне салып ,ыдысқа салып анасына көмек беру керек.Ойын осы ретпен картоп біткенше тасиды 1 -1 талдан.

Музыка желісімен кезекпен кезек сахнаға шығады

Көрініс:Сиқырлы жемістер

Нұрислам алма :Пісіп тұрған алмамын,

                               Тамсандырар бал дәмім.

                                Жерге сілкіп түсірме,

                                Ісіп кетер маңдайым.

 Аян сәбіз:Өсіретін бойыңды,

                    Дамытатын ойыңды.

                    Қоянға да азықпыз,

                    Сәбіздерміз, тәттіміз.

Самира пияз :Асханадан шықпаймын,

                           Атым пияз, бұқпаймын.

                           Көзден жасты шығарам,

                           Тұмаудан бірақ, сақтаймын.

 Нұрбақыт картоп: Картоп біздің атымыз,

                                     Жер астында жатырмыз.

                                     Бір тамырдан тараған,

                                     Ағайынбыз бәріміз.

 Инабат қызанақ: Тал шыбығым бұралып,

                                    Бақшаларда қызарып.

                                  Тұрған ол мен қызанақ,

                                    Күнге қарап ұялып.

 Аяла шие: Мен моншақты шиемін,

                     Құмарсындар білемін.

                     Кетіп қалып жүрмесін,

                     Тамағыңа сүйегім!

Жасмин құлпынай:Құлпыртамын бау,бақты

                                      Құлпынаймын мен тәтті

Бегайым жүзім:Қолмен үзіп аламын,

                              Себетіме саламын

                              Жүзім терген кезімде

                              Нұр ойнайды көзімде

Эльназ Алмұрт:Тіл үйірген алмұртпын

                              Таңсығымын бар жұрттың

                               Жақсы өсіре алмайды

                               Қараса егер салғырт кім?

Назар қияр:Дәмім тілді үйірген

                      Мен тұздалған күйімде

                     Жаңа піскен кезімде

                     Жейді бәрі сүйсіне

Ойын ата-анамен:Қарбызды құлатпай жүк көлігіне сал

Шарты:10 ата –ана шығады.Қырымен тұрады.Қарбызды жерге құлатып алмай артына қарай жіберу кезекпен кезек.

Жүргізуші:Балалар қолымда тұрған музыкалық аспапта бір әуен шығып тұрған сияқты.сиқырлы таяқшаның жанын тұрған еді.Сиқырдың күші енген сияқты.Біздің оркестрдің де аспаптары бар емеспе.Соны тексеріп көрейік.Сиқирдың күші енген шығар

Оркестр«Көңілді сылдырмақтар» 

Жургізуші : Балалар мен сендерге жұмбак жасырғым келіп тұр , сендер бұл  жұмбақтың шешуін тапсаңдар біздің көптен күткен қонағымыз келеді.  Ендеше сендер дайынсыңдар ма? 

Балалар: Әрине дайынбыз.

Жүргізуші:    Көк майсалы көрікті

                        Алқап тола көп егін

                        Бұл күндері киіпті

                        Сары жібек көйлегін  .       ( Күз  )

Алтын күз кіруі музыка желісімен

Күз ханшаймы:Сәлеметсіңдерме балалар.Сәлеметсіздерме қонақтар.

Күз ханшайымы:Уа халайық,дархан далам армысың,

                                Табиғатым жаны жайсаң тал мүсін.

                                 Ханшайымы күздің бүгін келіп тұр.

                                 Алмақ болып бар халқымның алғысын

 -Мен Күз ханшайымымын.Сендерді көргеніме қуаныштымын. 

Жүргізуші:  Сәлеметсізбе күз ханшайымы! Келіңіз, төрлетіңіз.

Жүргізуші:Балалар мен мынандай үлкен саңырауқұлақ көрмептім.Жаңбырдан кейінгі өсетін саңырауқұлақтардың  барлығы осы бір саңырауқұлаққа сиқырдың күшімен кіріп кеткен сияқты ғой.Саңырауқұлақ теруге шығып едім бірде біреуін таппай қалдым.Сиқырлы таяқшаның көмегі керек болып тұрған сияқты бізге.

Сиқырлы таяқшаны алып саңырауқұлаққа қарай меңзеймін сол кезде музыка желісімен артынан саңырауқұлақтар биге жүгіріп шығады.

БИ: Көңілді  саңырауқұлақтар

Жүргізуші: Сиқырлы таяқшаның күші тарап бара жатыр .Кішкентай сиқыршыларымызда өз мекендеріне қайтатын уақытта келіп қалды.Таяқшаның күші тарамай тұрғанда тағы бір сиқыр жасап үлгерейін.Терезеде тұрған қорапты сендерге  сыйлық болсын деп сыйлыққа айландырып үлгерейін.

Сиқырлы музыка қойылады.Қорап тәттіге айналады.

Балаларға тосын сый беріледі.

Жүргізуші:Құрметті қонақтар! Ата-аналар! Бүгінгі біздің «Сиқырлы күз» атты ертеңгілігімізді аяқтай отырып,  келер күзіміз де берекелі, молшылық, астықты болсын деп тілейміз. Бүгінгі мерекені қорытындылай отырып, «Сиқырлы  күз » көрмесімен қолөнер дайындап әкелгене ата-аналарымызға алғыс білдіремін.

                                       Берекелі бақ дәулет,

                                    Арта түссін тойланып.                 

                                    Сау болыңдар қонақтар!

                                    Келгенше күз айналып.

                                     Қош сау болыңыздар!

Тобы:Еркетай,Ромашка,Жұлдыз,Солнышко

Өтті:Тәрбиешілер

Шығармашылық іс-әрекет

Тақырыбы: «1 қыркүйек - Білім күні!»

Мақсаты: Бүлдіршіндерге Білім күні мерекесінің мән - мағынасын ұғындыру; Сахналық мәдениетін қалыптастыру;Мерекелік көңіл - күй сыйлау.
 Би:«Көңілді балалар
 Ән «Күмбірле, қоңырау»
 Ортаға тәрбиеші мен кіші топтың бүлдіршіні шығады.
 Бала: Балабақша есігін
 Үшке тола ашқанбыз.
 Балапандай мәпелеп,
 Өсірді бізді бақшамыз.
 Бұл - екінші үйіміз,
 Бір туғанбыз бәріміз.
 Біз осы үйдің сәніміз,
 Біз осы үйдің гүліміз.
 Тәрбиеші: Қош келдіңіздер, құрметті ата - аналар, балалар, барша қонақтар!
 Бүгін - 1 қыркүйек - білім күні. Мерекелеріңіз құтты болсын!
 Тәрбиеші: Биіктерге бастайтын асқаралы
 Әр жүректің сүйікті, асқақ әні
 Мерекеде бәріміз бір дауыспен
 Шырқайық бақшамыздың әнұранын!
 Балабақша әнұраны
 Тәрбиеші: Бүгінгі білім күні мерекесімен құттықтау құрметі «Ақбота» шағын орталығының әдіскеріне ұсынылады.
 Құттықтау сөз
 Тәрбиеші: Білім бастауы - балабақшада. Ендеше бүгінгі мерекеде тағы бір әнімізді балабақшамызға арнайық!
 Ән «Бақытты баламыз»
 Жеке ән «Мен әдепті баламын»
 Тәрбиеші: Енді біздің балалардың білім алудың маңызына байланысты айтарларын тыңдап көріңіздер..
 Эльназ:Білім керек бәріне!
 Ф. Оңғарсынова
 Корабльді басқарып
 Көк жүзіне самғасам
 Тауды бұзып, тас жарып
 
 Самира:Мұхиттарды жалғасам
 Таңдандырар бар елді
 Ғажап үйлер сала алсам
 Жасартатын әжемді
 Дәрі де ойлап таба алсам....
 Сырлары көп ғылымның
 Шешілмеген әлі де
 Тереңдігі білімнің
 Керек екен бәріне!
 
 Адина:Білім
 М. Ибраемова
 Білім - менің ертеңім
 Өсу үшін өркенім
 Жүзем оқу - айдында
 Жайып білім желкенін
 Қиындықтан өтуге
 Армандарға жетуге
 Білім алам ерінбей
 Еліме қызмет етуге!
 Ән «Тәй - тәй»
 Тәрбиеші: Жарайсыңдар. Өнерлерің өрге жүзсін! Бүлдіршіндеріміздің өнер,
 білім үйреткен, сүйікті балабақшаға арнаған кезекті бір
 әніне кезек берейік.
 Ән «Балабақшам - бақұям»
 Тәрбиеші: Жаңа оқу жылын қоңыраудың сыңғырымен бастау - жылдар бойы жалғасын тауып келе жатқан қалыптасқан дәстүр. Ендеше биылғы 2023 - 2024 оқу жылының қоңырауын қағуды кішкентай бүлдіршініміз............... ұсынамыз!
 Алғашқы қоңырау соғу салтанаты
 Тәрбиеші: Шырылдаған тыным алмай
 Қоңыраудың үні қандай!
 Мақсатына жете ме адам
 Оқу оқып, білім алмай?!
 
 Ғылымның көп тас қамалы
 Ғалымдық та асқаралы
 Бар білімнің нұр бастауы -
 Балабақшадан басталады!
 Бүгінгі мерекелік ертеңгілігіміз осымен тамам. Ден қойып тамашалағандарыңыз үшін көп рахмет! Баршаңызды балабақшамыздың білім бағына шақырамыз!
 Ән «Күмбірле қоңырау»

Тобы: Ересек тобы  « Солнышко»

Өтілу күні:07.03.2024

Тәрбиеші:Курманова Гульмира 

Шығармашылық іс-әркет

Бөлім:Музыка

Тақырыбы: « Біз ананың гүліміз! »

Мақсаты: Балаларды 8 наурыз Халықаралық мейрамы екенін ұғындыра отырып, аналарды ренжітпеуге, қол қанат болуға, әрқашан құрметтей білуге тәрбиелеу.

Ертеңгілік барысы

Зал іші мерекеге сай безендірілген. Ұл балалар залға гүлмен музыка әуенімен кіреді. 

Алихан:Өмірге ана-бұлақ, ана-пана,

Өмірді өркендетер ана ғана.

Өсірген талай көсем, талай шешен

Талай ер, талай ақын, талай дана.

Ана! Ол біздің елде ардақты адам.

Кіші де, үлкен де оны ардақтаған.

Ерназар:О, халайық, жараңдар,

Әжемді кім жамандар?

Ақ тістері маржандай,

Сенбесеңдер қараңдар.

Келбетіне көз салсаң,

Көктемнің нұрлы шуағындай.

Оймақ ауыз, күлім көз,

Өзі сұлу, ақылды.

Сүйкімді біздің әжетай

Сәлемді біздің қабыл ал.

Нұрбақыт:Бізді өсіріп баптаған,

Жақсы болсақ шаттанған.

Алтыным деп мақтаған,

Айналайын ақ мамам.

Әр сөзіңді жаттағам,

Жүрегімде сақтаған.

Анашым деп мақтанам,

Айналайын ақ мамам.

Түнде сергіп жатпаған,

Күндіз тыным таппаған.

Бізсіз тамақ татпаған,

Айналайын, ақ мамам.

Айбар:Әже дейміз, бәрімізде аңқылдап,

Әже дейді жас сәбиде жарқылдап.

Әже – деген бәйтерегі өмірдің,

Әже – деген алтын қазық, алтын бақ,

Немере үшін ең мейірімді жан әже,

Жалықпай ойнаған ол жасырынбақ.

Жүргізуші: Бір ғана емес, қадір тұтқан бабалар,

Аналардан не бір туған даналар.

Ана деген тіршіліктің тірегі,

Армызыздар, құрметті аналар!

Құрметті қонақтар, аяулы аналар, асыл әжелер, ару қыздар! Сіздерді көктемнің алғашқы мерекесі 8 наурыз Халықаралық әйелдер мерекесімен шын жүректен құттықтаймыз.

Би : «А я возьму у мамы бусы»

Ән :Жан анашым

Ойын: «Кір жуу»

Би: «Ұлдар»

Көрініс: «Мама я влюбилась в девочку одну»

 «Аналарға сыйлық» биі

Жүргізуші:Мерекелеріңіз құтты болсын!

                     Дендеріңіз сау болсың!

                     Отбасы аман болсын!

                     Жүздеріңізден күлкі кетпесін!

Бүгінгі біздің ертеңгілік соңына жетті. Мереке құтты болсын! Сау болыңыздар!

Тобы:Жұлдыз

Өтілу күні:05.10.2025

Тәрбиеші:Жеңіс А.Е

Тақырыбы: Тіл тірегіміз, соғып тұрған жүрегіміз

Мақсаты:Балалардың ана тілінің қасиетін сезінуге, мәртебесін көтеруге баулып танымдық қабілетін арттыру. Тілді құрметтей білуге тәрбиелеу.
 Көрнекілігі: слайд көрсетіледі. Еліміздің рәміздері. Үш би.
 Әдіс - тәсілдер: Аралас, түсіндіру, сұрақ - жауап, қорытынды.
 
 Тәрбиеші: Балалар бүгін ерекше күн екен. Біздің іс - әрекетімізге көптеген қонақтар келіпті. Олай болса алдымен амандасып алайық.
 Арайлап таң атты
 Алтын шуақ таратты
 Қайырлы таң балалар
 Қайырлы таң апайлар
 Балалар біз бәріміз бір үйдің балаларындай тату - тәтті доспыз, Кәне бір - бірімізге деген достығымызды нығайту үшін жақсы тілектер айтайықшы.
 Балалар: Күніміз жарық болсын
 Аспанымыз ашық болсын
 Деніміз сау болсын
 Еліміз тыныш болсын
 Досымыз көп болсын
 Балабақшамыз жайнай берсін
 Нанымыз көп болсын
 Тәрбиеші: Иә, балалар осындай жақсы көңіл - күйімізбен орындарымызға жайғасайық.
 Балалар, бір аптада неше күн бар?
 Балалар: Жеті күн бар
 Тәрбиеші: Аттарын атап айтайықшы?
 Балалар: Дүйсенбі, сейсенбі, сәрсенбі, бейсенбі, жұма, сенбі, жексенбі.
 Тәрбиеші: Қазір жылдың қай мезгілі?
 Балалар: Күз мезгілі.
 Тәрбиеші: Күз мезгілі неше айдан тұрады?
 Балалар: Үш айдан
 Тәрбиеші: Аттарын атап айтайықшы?
 Балалар: Қыркүйек, қазан, қараша
 Күз мезгілінің ерекшеліктері күн суытады, адамдар жылы киіне бастайды, ағаштар жапырағы сарғаяды жерге түсе бастайды. Құстар жылы жаққа ұшып кетеді.
 Тәрбиеші: Жарайсыңдар, балалар.
 Білім беру саласы: Қатынас. Ұйымдастырылған іс - әрекет: Тіл дамыту.
 Тақырыбымыз: Тіл тірегіміз, соғып тұрған жүрегіміз.
 
 Ғажайып сәт: Есік қағылады. Балалар бізге шет мемлекеттен қонақ келді. Оның арманы біздің еліміз туралы көп білгісі келеді екен.
 
 Қонақ: Сәлеметсіздер ме, балалар. Балалар бұл қай мемлекет!
 Балалар: Қазақстан Республикасы.
 Қонақ: Бұл мемлекеттің бас қаласы қай қала?
 Балалар: Астана қаласы
 Қонақ: Мен сендердің мемлекеттерің туралы толығырақ білем деп отырмын. Сендер маған көмектесесіңдер ме?
 Балалар: Иә, көмектесеміз.
 
 Қонақ: ҚР елбасы кім?
 Балалар: Біздің елбасымыз Н. Ә. Назарбаев
 Қонақ: Сіздердің ұлттарыңыз кім?
 Балалар: Біздің ұлтымыз қазақ.
 Қонақ: Сіздер қай тілде сөйлейсіңдер?
 Балалар: Біз қазақ тілінде сөйлейміз.
 Тәрбиеші: Жарайсыңдар, балалар! Біздің мемлекеттік тіліміз қазақ тілі. Біз бәріміз бір - бірімізбен қазақша сөйлесеміз. Елбасымыз Н. Ә. Назарбаевтың 1998ж 20 қаңтардағы жарлығына сәйкес 22 қыркүйек «Қазақстан халықтарының тілдері» күні мерекесі болып аталып келеді. Біздің Республикамызда 120 - дан астам әр ұлтың ұл - қыздары тату - тәтті ынтымақтастықпен жемісті еңбек етеді.
 Тәрбиеші: Кәне, балалар біз қонағымызға мемлекетіміздің әнұранын айтып берейік.
 Балалар: Ән ұран орындайды.
 Тәрбиеші: Ана тілі туралы қандай тақпақ білесіңдер?
 
 

Аяна: Ана тілің біліп қой
 Еркіндігің теңдігін
 Ана тілің біліп қой
 Мақтанышым елімнің
 
 
 

Медина: Сүйесің өз тіліңді
 Боласың білімді
 Өз кілтіңді үйретер
 Өнерді де, ғылымды
 Ардақта тіліңді
 
 Инкар: Жанымнан қымбат
 Ана тілім маған
 Ана сөзден тыңдап
 Үлгі өнеге алам
 
 Мариям:Қазақ тілім өз тілім, ана тілім
 Абай Мұхтар сөйлеген дана тілім
 Қастерлейді ұл - қызын мәңгң сені
 Болашағым, бақытым, дара тілім.
 
 Дулат: Ана тілім елдігім
 Ана тілім ерлігім
 Тілді биік құрметтеп
 Тойлап жатыр ел бүгін